रांजणगाव गणपती - का साजरा केला जातो प्रजासत्ताक दिन...

नसे फक्त पुस्तक,हा भारतीय धर्मग्रंथच...!
समृद्ध संविधान बनले देशाचे सुज्ञ पालक.
गुलामगिरी संपली,झाले गणराज्य ...!
सत्ताधारी बनले चालक जनता झाली मालक.
लोकांचे,लोकांनी,आणि लोकांसाठी चालवलेले
जनतेचं राज्य म्हणजे गणराज्य...!

२६ जानेवारी हा दिवस प्रजासत्ताक दिन म्हणून साजरा केला जातो.याला गणराज्य दिन असेही म्हंटले जाते.हा प्रजासत्ताक दिन प्रत्येक भारतीयांसाठी फार महत्त्वाचा आहे.प्रत्येक वर्षाच्या पहिल्या महिन्यात म्हणजेच जानेवारी महिन्यात २६ तारखेला भारताचा प्रजासत्ताक दिन साजरा केला जातो.भारताच्या संविधानाला संविधान समितीद्वारे तयार करण्यात आले होते.माझा देश हा जगातील सर्वात मोठा लोकशाही प्रधान देश आहे.आणि हे सर्व शक्य झालं ते म्हणजेच भारतीय संविधानाचे शिल्पकार डॉ.बाबासाहेब आंबेडकर यांच्यामुळे.हे संविधान तयार करण्याकरिता पूर्ण २ वर्ष ११ महिने आणि १८ दिवस एवढा कालावधी लागला होता.

डॉ.बाबासाहेब आंबेडकरांच्या अध्यक्षतेखाली संविधानाचा मसुदा तयार करण्याकरीता २९ ऑगस्ट १९४७ या दिवशी मसुदा समितीची स्थापना करण्यात आली.आपला भारत देश हा १५ ऑगस्ट १९४७ रोजी स्वतंत्र झाला.नंतर भारताचे संविधान संविधान समितीने २६ नोव्हेंबर इ.स. १९४९ रोजी स्वीकारले.पण त्याची लोकशाही राज्य घटना २६ जानेवारी १९५० रोजी अंमलात आली आणि आपला भारत हा लोकतांत्रिक सार्वभौमिक आणि गणराज्य बनला.म्हणून हा सण प्रजासत्ताक दिन म्हणून मानला जातो.आपला भारत हे एक लोकशाही राज्य आहे.म्हणजेच हे लोकांचे,लोकांनी,लोकांसाठी चालविलेले राज्य आहे.हा अधिकार भारताच्या घटनेनुसार २६ जानेवारी १९५० साली मिळाला.त्या दिवसापासून प्रजेची सत्ता सुरु झाली.हा प्रजासत्ताक दिन भारतात सर्वत्र साजरा केला जातो.

जेव्हापासून आपला भारत देश एक प्रजासत्ताक बनला.तेव्हापासून आपला भारत खूप प्रगतशील राष्ट्र बनला आहे.आपला भारत देश हा शेतीप्रधान देश आहे.आणि मी एक स्वतंत्र प्रजासत्ताक राष्ट्रात राहते.याचा मला फार अभिमान वाटतो.जवाहरलाल नेहरू यांनी २६ जानेवारी इ.स. १९३० रोजी लाहोर अधिवेशनात तिरंगा फडकावून पूर्ण स्वराज्याची घोषणा केली होती.म्हणून राज्यघटनेच्या अंमलबजावणीसाठी २६ जानेवारी हा दिवस निवडण्यात आला.या दिवशी देशभरात भारताच्या राष्ट्रध्वजाचे आरोहण होऊन त्याला वंदना दिली जाते.भारताचे राष्ट्रगीत म्हंटले जाते आणि आदर व्यक्त केला जातो.आज आपण सर्वजण आपल्या भारत देशाचा ७० वा प्रजासत्ताक दिन साजरा करत आहोत.आपल्या सर्व भारतीयांसाठी हा शुभदिन एक आनंद पर्वणी असते.

भारताच्या राजधानीत या दिवशी सकाळी ध्वजारोहणानंतर लालकिल्ल्यावरून पंतप्रधानांचे राष्ट्राला उद्देशून भाषण होते.या समारंभाचा मुख्य कार्यक्रम भारताची सर्व घटकराज्ये भाग घेतात.प्रत्येक राज्यात,जिल्ह्यात,तालुक्यात,शहरांत आणि गावागावांतून प्रजासत्ताक दिन साजरा केला जातो.शाळांतून,सरकारी शाळांतून,सरकारी कार्यालयातून व अन्यत्रही सकाळी ध्वजवंदन व अन्य मनोरंजनाचे कार्यक्रम होतात.ठिकठिकाणी प्रभात फेऱ्या भाषणे,प्रदर्शन यांचे आयोजन केले जाते.धाडसी मुलांचा विविध क्षेत्रात कर्तृत्व गाजविणाऱ्यांचा या दिवशी मोठया उत्साहात गौरव केला जातो.प्राथमिक शाळांतून मुलांना खाऊ हि वाटला जातो.त्या दिवशी मुलेही खूप आनंदीअसतात.

शाळेंना तोरणे पताके आपले तिरंगी ध्वज लावले जातात.लहान-मोठी सर्व मुले तिरंगी ध्वज हातात घेऊन मोठया उत्साहाने मातेचा जयघोष करीत प्रभात फेरीत भाग घेतात.सर्व विद्यार्थी अध्यापक,मुख्याध्यापक,गावातील तरुण मंडळी यांच्या उपस्थितीत ध्वजा रोहन केले जाते.शाळेतील एन.सी.सी. व स्काऊट चे विध्यार्थी सुंदर संचालन करतात.शाळेतील वाद्या वरही राष्ट्रीय गाणी वाजविली जातात.तसेच मुले मुली आपापल्या आवडीची राष्ट्रगीते गातात,भाषणे करतात.

किरण दिपक पिंगळे
रांजणगाव गणपती
९३७३५४१३०८

 



संबंधित लेख

  • 1

कोरोना व्हायरच्या पार्श्वभूमिवर नागरिकांच्या संरक्षणाची जबाबदारी सर्वाधिक कोणावर आहे?
 पोलिस
 डॉक्टर
 नागरिक
 प्रशासन
 अन्य