ताज्या बातम्या -  संकेतस्थळाच्या माध्यमातून वाढदिवस साजरा करा! |  शिरूर तालुक्यातील थोडक्यात महत्त्वाच्या संक्षिप्त बातम्या- |  संकेतस्थळाच्या माध्यमातून वाढदिवसाच्या शुभेच्छा द्या... |  शिरूर तालुक्‍यात पाणी पंचायतीची स्थापना  |  'शिरूर तालुका डॉट कॉम'चे दुसऱया वर्षात पदार्पण |  'शिरूर तालुका डॉट कॉम'चे विभागीय कार्यालय सुरू  |  'शिरूर तालुका डॉट कॉम' हे संकेतस्थळ प्रेरणादायी- पोटे |  रांजणगाव- खासदारांच्या हस्ते SMS सेवेचे उदघाटन! |  शिरूर तालुक्यातील महत्त्वाची छायाचित्रे |  'शिरूर तालुका डॉट कॉम युवा मंच'ची स्थापना! |  'शिरूर तालुका डॉट कॉम'च्या मातेला आदर्श पुरस्कार! |  'शिरूर तालुका डॉट कॉम'तर्फे पुरस्कार प्रदान ! |  'शिरूर तालुका डॉट कॉम'द्वारे यापुढे Video News ! |  'शिरूर तालुका डॉट कॉम'चे चौथ्या वर्षात पदार्पण! | 

पावसाने दडी मारल्याने शेतकऱ्यांची उडाली झोप

सुरुवातीला दमदार पावसाने शेतकऱ्यांच्या आशा पालवल्या, पण आता पावसाने ताण दिल्याने शेतकऱ्यांचा जीव टांगणीला लागला आहे. पेरलेले उगवण्याइतपत पाऊस झाला असला तरीही जमिनीतली ओल आटल्याने आता उगवलेल्या अंकुरांचे भविष्य अंधकारमय झाले आहे.

आणखी >>

शेतकऱ्याला केंद्राचा दिलासा, युरियाचे दर पुढील चार वर्ष स्थिर !

संकाटांच्या चक्रव्युहात सापडलेल्या शेतकऱ्याला केंद्र सरकारने दिलासा दिला आहे. पुढील पाच वर्षात युरियाचे दर स्थिर ठेवण्याचा निर्णय सरकारने घेतला आहे.

आणखी >>

शेतकरी विधवेच्या आत्महत्येने प्रशासन हतबल

मुख्यमंत्र्यांनी भेट दिलेल्या िपपरी बुटी गावातीलच आत्महत्याग्रस्त शेतकऱ्याची पत्नी शांता प्रल्हाद ताजने हिने विहिरीत उडी घेऊन केलेल्या आत्महत्तेच्या घटनेने यवतमाळ जिल्हा शेतकरी आत्महत्यामुक्त जिल्हा करण्याची मुख्यमंत्री देवेंद्र फडणवीस यांची घोषणा म्हणजे ‘बोलाचीच कढी अन् बोलाचाच भात’ ही म्हण सार्थ करणारी असल्याची टीका काँग्रेसने केली.

आणखी >>

मराठवाडय़ामधील शेतकऱ्यांना कर्जमाफी द्या

मराठवाडय़ात सर्वच ठिकाणी तीव्र दुष्काळी स्थिती निर्माण झाली असून सरकारने शेतकऱ्यांना मदत केली पाहिजे, यासाठी मंगळवारी २ जून रोजी मुख्यमंत्री देवेंद्र फडणवीस यांच्याशी चर्चा करण्यात येणार आहे.

आणखी >>

नापिकी, कर्ज, व्यसने, तणावामुळे शेतकऱ्यांच्या आत्महत्या

शेतकरी आत्महत्यांचा कारणांचा शोध घेण्यासाठी जिल्हा प्रशासनाने केलेल्या सर्वेक्षणात नापिकी आणि कर्जबाजारीपणा याशिवाय आजारपण, व्यसन, कौटुंबिक तणाव या कारणांचाही समावेश असल्याचे आढळून आले आहे.

आणखी >>

तीन शेतकऱ्यांसह सहा जणांचा सहा वेगवेगळय़ा घटनांत मृत्यू

जिल्हय़ात गेल्या २४ तासांत सहा वेगवेगळय़ा घटनांमध्ये सहा जणांचा मृत्यू झाला. यात तीन शेतकऱ्यांचा समावेश असून, नापिकीला कंटाळून त्यांनी आपली जीवनयात्रा संपवली.

आणखी >>

मराठवाडय़ात १३० दिवसांत ३०० शेतकरी आत्महत्या

चालू वर्षांत म्हणजे मागील १३० दिवसांत तब्बल ३०० शेतकऱ्यांनी आत्महत्या केल्या. सन २००३पासून सुरू झालेले आत्महत्यांचे सत्र थांबायला तयार नाही.

आणखी >>

..म्हणून एकाही शेतकऱ्याची आत्महत्या नाही!

लहान शेतकरयांना मोफत वीज,बिनव्याजी कर्जासह अनेक प्रकारच्या सुविधा राज्य सरकारकडून पुरविल्या जात असल्याने महाराष्ट्राप्रमाणे शेतकरयांच्या आत्महत्यांचे प्रकार छत्तीसगढमध्ये होत नाहीत,असे प्रतिपादन मुख्यमंत्री डॉ.रमणसिंह यांनी लोकसत्ताशी बोलताना केले.

आणखी >>

बियाणे-खतांच्या काळा बाजारावर करडी नजर

खरीप हंगामात शेतक-यांची फसवणूक व अडवणूक करून खते, बियाण्यांचा काळा बाजार केल्यास संबंधित कंपन्या व विक्रेत्यांवर फौजदारी गुन्हे दाखल करण्यात येतील.

आणखी >>

राज्यात तीनच शेतकऱ्यांच्या आत्महत्या

अवकाळी पाऊस आणि गारपिटीमुळे राज्यात केवळ तीनच शेतकऱयांनी आत्महत्या केल्याचा पुनरुच्चार केंद्रीय कृषिमंत्री राधामोहन सिंह यांनी मंगळवारी केला.

आणखी >>

‘साखर कारखान्यांना २ हजार कोटी ही शेतकऱ्यांची थट्टाच’

राज्यातील साखर उद्योग डबघाईस आल्यानंतर एफआरपी साखरेचे उतरते भाव व मोलॅसेसवरील निर्यातबंदी या सर्व प्रकारामुळे शेतकरी व साखर उद्योग देशोधडीला लागले आहेत.

आणखी >>

अवकाळीग्रस्त शेतक ऱ्यांना भरपाईत ५० टक्के वाढ

अवकाळी पावसाने मराठवाडय़ात गेल्या तीन महिन्यांत २०६ शेतकऱ्यांनी केलेल्या आत्महत्या, भरपाईबाबत केंद्र आणि राज्य सरकारकडून होत असलेली उलटसुलट विधाने तसेच भूसंपादन विधेयक यामुळे शेतकऱ्यांमधील असंतोष तीव्र होत असल्याच्या पाश्र्वभूमीवर आतापर्यंतचे निकष बदलून अवकाळीग्रस्त शेतकऱ्यांच्या भरपाईत ५० टक्के वाढ करण्याची घोषणा पंतप्रधान नरेंद्र मोदी यांनी बुधवारी केली.

आणखी >>

बदलत्या हवामानामुळे शेतकरी, बागायतदार हैराण

यंदाच्या पावसाळी हंगामाला सुरुवात झाल्यासारखे गेल्या काही दिवसांतील बदलते हवामान, ऋतुमानाला शेतकरी, बागायतदार वैतागले आहेत.

आणखी >>

‘एफआरपी’प्रमाणे भाव नसल्याने ऊसउत्पादक अडचणीत

साखर सहसंचालक नांदेड विभागाच्या कार्यक्षेत्रात ५ जिल्ह्य़ातील साखर कारखान्यांकडे शेतकऱ्यांचे ५११ कोटी २८ लाख ३६ हजार रुपये थकीत आहेत. २०१०-११ पासूनचा हा आकडा असला, तरी २०१४-१५ या वर्षांतच ४९१ कोटी ७१ लाख ५० हजार रुपयांची थकबाकी आहे.

आणखी >>

शेतकऱ्यांना स्वस्त वीज मिळणार

येत्या दोन वर्षांत विदर्भात वेकोलीच्या २४ कोळसा खाणी सुरू केल्या जाणार असून, शेतकऱ्यांना स्वस्त वीज देण्यासाठी पैनगंगा कोळसा खाण प्रकल्प उपयुक्त ठरणार आहे. ही खाण सुरू झाल्यानंतर या भागातील स्थानिकांना रोजगार तर प्राप्त होईल.

आणखी >>

राज्यातील गारपीटग्रस्तांना १ एप्रिलपासून मदत

अवकाळी पाऊस व गारपिटीने शेतीचे मोठे नुकसान झाले आहे. संकटात सापडलेल्या शेतकऱ्यांना पुन्हा उभे करण्यासाठी केंद्र सरकार राज्य शासनाच्या मदतीने १ एप्रिलपासून मदत दिली जाईल.

आणखी >>

नागपुरात गारपीट

राज्यात विविध भागांत गारपिटीने शेतकऱ्यांचे नुकसान होत असताना रविवारी नागपूर शहरालाही वादळी पावसासह गारपिटीचा फटका बसला.

आणखी >>

अवकाळीच्या जोडीला गारपीट!

गेल्याच आठवडय़ात झालेल्या अवकाळी पावसाने शेतकरी हवालदिल झालेला असतानाच आता गारपिटीने डोके वर काढले आहे. रविवारी रात्री मराठवाडय़ाला गारपिटीने झोडपून काढले.

आणखी >>

शेतीखालील जमीन उद्योगासाठी संपादन केली जाणार नाही

सिंचन आणि शेतीखालील जमीन औद्योगीकरणासाठी संपादन केली जाणार नाही, अशी ग्वाही उद्योगमंत्री सुभाष देसाई यांनी शनिवारी दिली.

आणखी >>

आता कृषी सहायक शेतकऱ्यांसाठी कायम उपलब्ध

ग्रामसेवक व तलाठी या पूर्णवेळ ग्रामपंचायत कर्मचाऱ्यांसोबतच आता कृषी सहायक हा देखील पूर्णवेळ कर्मचारी म्हणून शेतकऱ्यांच्या सेवेत उपलब्ध राहणार आहे.

आणखी >>

शेतकऱ्यांना यापुढे सोलार पंपांचीच जोडणी

शेती पंपासाठी दिल्या जाणाऱ्या विजेपोटी सरकारवर वर्षाला सुमारे पाच हजार कोटी रुपयांचा बोजा पडतो. शेतकऱ्यांना स्वस्तात देण्यात येणाऱ्या विजेचा आकार उद्योग तसेच व्यावसायिक आस्थापनांना महागड्या दरात वीज देऊन वसूल करण्यात येतो.

आणखी >>

पिके वाचविण्याची शेतक:यांची धडपड!

बदललेल्या हवामानाचा रब्बी हंगामातील पिकांवर विपरीत परिणाम होत आहे. अनेक रोग आक्रमण करू लागले आहेत.

आणखी >>

बळीराजा धास्तावला

तब्बल महिनाभरापासून पाऊस गायब झाल्यामुळे हातातोंडाशी आलेले पीक निसर्गाने हिरावून घेतले आहे. काळय़ा आईच्या या चाव्यामुळे गावेच्या गावेच उद्ध्वस्त होण्याची वेळ आली आहे.

आणखी >>

अपु-या पावसामुळे खरिपाची शेती धोक्यात

अपुऱ्या पावसाचा फटका बसल्याने, देशात खरीप पिकांचे उत्पादन गेल्या वर्षीच्या तुलनेत मोठ्या प्रमाणात घटणार असल्याचा इशारा खुद्द केंद्रीय कृषि राज्यमंत्री संजीवकुमार बालियां यांनी दिला आहे.

आणखी >>

शेतीला २४ तास वीजपुरवठ्यासाठी पाचशे कोटी

गुजरातच्या धर्तीवर शेती आणि बिगरशेतीच्या ग्राहकांना २४ तास अखंड वीजपुरवठा करण्याची घोषणा केंद्रीय अर्थमंत्री अरुण जेटली यांनी केली. त्यासाठी प्रस्तावित योजनेसाठी ५०० कोटी रुपयांची तरतूद करण्यात येणार आहे.

आणखी >>

केंद्र सरकारकडून शेतकऱ्यांच्या मदतीसाठी विशेष वाहिनीची घोषणा

देशातील शेतकऱ्यांना शेतीविषयक माहिती आणि समस्यांवर मार्गदर्शन करण्यासाठी केंद्र सरकारकडून लवकरच २४ तास चालणारी विशेष वाहिनी सुरू करण्यात येणार आहे.

आणखी >>

पाऊणशे तालुक्यांत पेरण्या रखडल्या; ६८३ गावे-वाडय़ांना ५७२ टँकर सुरू

पावसाने दडी मारल्याने मराठवाडय़ात भीषण पाणीटंचाईचे संकट आहे. टंचाई कालावधीत कोणकोणत्या उपाययोजना कराव्यात, याचा आढावा घेण्यासाठी मदत व पुनर्वसनमंत्री डॉ. पतंगराव कदम शुक्रवारी (दि. ४) औरंगाबाद येथे येणार आहेत.

आणखी >>

बदलत्या हवामानानुसार शेतकऱ्यांसाठी कृती आराखडा

बदलत्या हवामानाची व पावसाच्या स्थितीची माहिती शेतकऱ्यांपर्यंत पोहोचविण्यासाठी हवामान विभाग, कृषी विभाग, कृषी विद्यापीठे यांच्या समन्वयातून कृती आराखडा तयार करण्यात येणार आहे.

आणखी >>

जनावरांनी तारा, दाभण गिळण्याचे वाढते प्रकार

पुणे : ग्रामीण भागात गायी, म्हशी, बैल अशा जनावरांनी चार्‍यामधून लोखंडी तारा किंवा दाभण गिळण्याचे प्रकार वाढल्याचे जिल्हा परिषदेच्या पशुसंवर्धन विभागाच्या निदर्शनास आले असून अशा बाबतीत पशुपालकांनी जिल्हा परिषदेने उपलब्ध केलेल्या एक्स रे सारख्या आधुनिक उपचारांचा अवलंब करावा असे आवाहन करण्यात आले आहे.
जिल्हा पशुसंवर्धन अधिकारी डॉ. एस.बी.विधाटे यांनी याबाबत अधिक माहिती देताना सांगितले की चार्‍यात चुकून आलेल्या तारा किंवा सुतळीला ओवलेली दाभण जनावरांच्या खाद्यात येण्याचे प्रमाण वाढले आहे. जुन्नर तालुक्याच्या विशिष्ट भागात लोहचुंबकाव्दारे अशा तारा,दाभण काढण्याचा दावा करणारे शेतकर्‍यांच्या अडचणीचा फायदा घेऊन पैसे कमावत आहेत.जिल्हा परिषदेने पिंपळवंडी आणि ऊरूळीकांचन अशा दोन ठिकाणी पशुवैद्यकीय दवाखान्यांमध्ये खास एक्स रे यंत्रे उपलब्ध केली आहेत.केवळ ५0 रूपये शुल्क आकारून ही सेवा दिली जाते.अशा जनावरांनी गिळलेली वस्तु एक्स रे मध्ये त्वरित दिसू शकते आणि जनावरांवर पुढील उपचार करून त्यांना दिलासा दिला जाऊ शकतो.
ते म्हणाले की जुन्नर तालुक्यात जनावरांच्या शेणापर्यंत लोहचुंबक घालून तारा काढण्याचा दावा करणारे फसवणूक करीत असून तशा तक्रारी आमच्यापर्यंत आल्या आहेत. अशा व्यक्ती २000 रूपये घेत आहेत.पशुपालकांनी अशा अशास्त्रीय उपायांना बळी पडण्याऐवजी शास्त्रशुद्ध उपायांचा अवलंब करणे आवश्यक आहे.पिंपळवंडी आणि ऊरूळीकांचन येथील एक्स रे यंत्रांच्या सुविधेचा लाभ गेल्या वर्षभरात ७0 जनावरांना झाला आहे. नाविन्यपूर्ण योजनेतून ही यंत्रे गतवर्षी बसविण्यात आली आहेत.
(प्रतिनिधी)

आणखी >>

आता रोबोट करणार पिकांवर फवारणी

मनीष चंद्रात्रे, जळगाव
काही तरी वेगळे संशोधन करून त्याचा उपयोग समाजातील तळागाळापर्यंत व्हायला पाहिजे, असा उद्देश बहुतांश तरुणांचा असतो. त्यानुसार महाविद्यालयात शिक्षण घेताना अनेक तरुण मुले अभ्यासाबरोबरच वेगवेगळ्या उपकरणांचा शोधात असतात, असाच एक शोध बांभोरी अभियांत्रिकी महाविद्यालयातील ई अँण्ड टी.सी. शाखेच्या विद्यार्थ्यांनी लावला आहे. या विद्यार्थ्यांनी चक्क ‘पिकांवर किटकनाशक फवारणी करणारा रोबोट’ तयार केला आहे.
आजही आपल्या देशात पारंपरिक पद्धतीने शेती केली जाते. पिकांवर किटकनाशक फवारणी करण्यासाठी अनेक शेतकर्‍यांना मजूर मिळत नाही. जे मजूर फवारणीचे काम करतात; त्यांच्या शरीरावर रासायनिक फवारणीचा विघातक परिणाम होतो. त्यापार्श्‍वभूमीवर शेतकर्‍यांना सोयीचे व्हावे व पीक फवारणीसाठी शेतकर्‍यांचा खर्च कमी होण्यासाठी बांभोरी अभियांत्रिकी महाविद्यालयातील ई अँण्ड टीसी शाखेतील केदार देशमुख, अक्षय भावसार, प्रिया येल्लारे या विद्यार्थ्यांनी पिकांवर फवारणी करणारा रोबोट तयार केला आहे.
रोबोटचा नेमका उपयोग प्रा.एस.आर.सुरळकर व प्रा. डॉ. उमेश भदादे यांच्या मार्गदर्शनाखाली विद्यार्थ्यांनी ३ फूट उंच अँल्युमिनीअम धातूच्या पट्टीपासून चौकोनी सांगाडा तयार केला. सोयाबीन पिकांवर सर्वात जास्त किटक बसत असल्यामुळे सोयाबीनच्या शेतात विद्यार्थ्यांनी प्रयोग करून पाहिला. या रोबोटवर एक सौर प्लेट बसविण्यात आली आहे. सूर्याची किरणे सौर प्लेटवर पडल्यानंतर रोबोट चार्ज होऊन १00 मीटर क्षेत्रात रोबोट कीटक नाशकांची फवारणी करू शकणार आहे. शेतात एका ठिकाणी थांबूनदेखील शेतकर्‍यांना रिमोटने ऑपरेट करून संपूर्ण शेतात फवारणी करता येणार असल्याचा निष्कर्ष विद्यार्थ्यांनी प्रयोगातून सिद्ध करून दाखविला आहे. एकदाच होईल ‘खर्च’ विद्यार्थ्यांना रोबोट तयार करण्यासाठी सुमारे २२ हजार रुपयापर्यंत खर्च आला आहे. सूर्याच्या किरणांनी चार्जिंग झाल्यानंतर रोबोट शेतात एक ते दीड तास फवारणी करू शकणार आहे.शोध प्रकल्प स्पर्धेत यश बांभोरी अभियांत्रिकी महाविद्यालयात नुकत्याच झालेल्या शोध प्रकल्प २0१४ स्पर्धेत हे उपकरण विशेष लक्षवेधी ठरले होते. या स्पर्धेत परीक्षकांनी या उपकरणाला प्रथम क्रमांक दिला आहे.

आणखी >>
  • 1