अच्छे दिन : सिलिंडर स्वस्त; NEFT, RTGS विनाशुल्क

Image may contain: food
नवी दिल्ली, ता. 1 जुलै 2019 : घरगुती वापराच्या सिलिंडर दरात कपात करून सरकारने सर्वसामान्य नागरिकांना मोठा दिलासा दिला आहे. शिवाय, एनईएफटी व आरटीजीस यंत्रणेद्वारे पैसे पाठविण्यावरील शुल्क आजपासून (सोमवार) माफ करण्यात आले आहेत.

घरगुती गॅस स्वस्त
आजपासून विनाअनुदानित सिलेंडर जवळपास 100 रुपयांनी स्वस्त झाले आहेत. ग्राहकांना आजपासून सिलेंडर 737.50 रुपयांऐवजी 637 रुपयांना मिळणार आहे. विनाअनुदानित सिलेंडरच्या दरात कपात झाल्याने आता अनुदानित सिलेंडरचे दर देखील 449.35 झाले आहेत, अशी माहिती इंडियन ऑईल कॉर्पोरेशनने दिली आहे.

आरटीजीएस-एनईएफटी क्षुल्कात बदल
ऑनलाईन व्यवहारात आरटीजीएस (रिअल टाईल ग्रॉस सेटलमेंट) आणि एनईएफटीद्वारे (नॅशनल इलेक्ट्रॉनिक फंड ट्रान्सफर) पैशांचे व्यवहार करणे आजपासून मोफत होणार आहे. रिझर्व्ह बँक ऑफ इंडियाने आरटीजीएस आणि एनईएफटी अशा व्यवहारांवर कोणतंही क्षुल्क घेणार नसल्याचा निर्णय घेतला आहे. मोठ्या व्यवहारांसाठी आरटीजीएस प्रणालीचा वापर केला जातो, तर एनईएफटी प्रणालीचा वापर दोन लाखांपर्यंतची रक्कम ट्रान्सफर करण्यासाठी होतो.

एसबीआयने आपल्या गृह कर्जवारील व्याज दर रेपो रेटशी जोडणार आहे. यामुळे रेपो रेटच्या बदलानुसार गृह कर्जाच्या व्याजात वाढ किंवा घट होणार आहे.

चारचाकी गाड्यांच्या किमतीत वाढ
महिंद्रा अँड महिंद्राने आपल्या गाड्यांच्या किंमतीत 36 हजारांपर्यंत वाढ केली आहे. त्यामुळे स्कॉर्पिओ, बोलेरो, एक्सयूव्ही 500 इत्यादी गाड्या महाग होतील. मारुती सुझुकीने सेडान कारच्या किमतीत 12 हजारांपर्यंत वाढ केली आहे.

दरम्यान, आजपासून अनेक नियमांमध्ये बदल झाले आहेत. रेल्वेच्या जवळपास 250 हून अधिक गाड्यांच्या वेळा बदलण्यात आल्या आहेत. रिझर्व्ह बँक ऑफ इंडियाने बँकांच्या व्यवहारांसाठीच्या शुल्कामध्ये काही बदल केले आहेत. गॅस कंपन्यांनी देखील सिलेंडरच्या दरात कपात केली आहे. तर महिंद्रा आणि मारुतीच्या गाड्यांच्या किमतीतही बदल झाले आहेत.

Comment Box is loading comments...

संबंधित बातम्या