manohar-raut-nashik

माजी सरपंचाचा साडूनेच काढला काटा; मेहुणी आणि पत्नीवरही वार…

क्राईम

नाशिक : सुरगाणा तालुक्यातील सूर्यगड येथील माजी सरपंचाची साडूनेच हत्या केल्याची धक्कादायक घटना घडली आहे. शिवाय, मेहुणीसह बायकोवरही कुऱ्हाडीने वार केल्याने त्या दोघीही गंभीर जखमी झाल्या आहेत. पोलिस पुढील तपास करत आहेत.

सुरगाणा शहरापासून जवळच असलेल्या सूर्यगड येथील माजी सरपंच मनोहर राऊत यांची हत्या त्यांच्याच साडूने केल्याची घटना बुधवारी (ता. 16) पहाटे साडेचार वाजेच्या दरम्यान घडली आहे. मयत राऊत यांची पत्नी आणि आरोपीची पत्नी या दोघी गंभीर जखमी झाल्या आहेत. याबाबत मयताची मुलगी रोशनी राऊत हिने पोलीस ठाण्यात फिर्याद दाखल केली आहे.

फिर्यादीमध्ये म्हटले आहे की, ‘माझे काका संशयित आरोपी पळसण येथील भास्कर परशराम पवार यांचे कुटुंब नातेवाईक असल्याने आमच्याकडे राहत होते. त्यांना त्यांचा चुलता हिरामण पवार हा त्रास देत असल्याने ते मनोहर राऊत सहा महिन्यांपासून राहत होते. सहा सात महिने झाल्याने हातरुंडी येथील मामा प्रकाश महाले यांनी सांगितले की आता त्यांना मूळगावी पायरपाडा येथे पाठवून द्या. तोच निरोप मनोहर राऊत काका आणि मावशी यांना सांगितला, की तुम्ही आता तुमच्या गावी निघून जा, याचा राग भास्कर पवार यांना आला. तोच राग मनात धरुन पहाटे साडेचार वाजेच्या सुमारास भास्कर पवार याने मनोहर राऊत उजव्या खांद्याच्या मानेजवळ, हनुवटी आणि छातीवर वार केले. आई आणि मावशीच्या हातावर कुऱ्हाडीने वार करुन जखमी केले.’

दरम्यान, घटना घडत असताना भास्कर पवार यांचा मुलगाही धावत आला, त्याने संशयितास पकडून ठेवत कुऱ्हाड बाजूला फेकून दिली. घटनेची माहिती सुरगाणा पोलिसांना देण्यात आली, तातडीने पोलिसांनी घटनास्थळ गाठत घटनेचा पंचनामा केला. याबाबत पोलीस निरीक्षक संदीप कोळी यांच्या मार्गदर्शनाखाली पोलीस उपनिरीक्षक सुनिल आहेर हे पुढील तपास करत आहेत.

पोलिसांनी आरोपीस ताब्यात घेतले असून पुढील तपास करत आहेत. यापैकी मयत मनोहर राऊत यांची पत्नी भारती राऊत यांना पुढील उपचारासाठी जिल्हा रुग्णालयात पाठवण्यात आले. राऊत यांचे पश्चात पत्नी, एक मुलगा, एक मुलगी, आई, वडील असा परिवार आहे. पोलिस पुढील तपास करत आहेत.

उपसरपंचाच्या पत्नीची गळफास घेत आत्महत्या…

राजीनामा दे म्हणत उपसरपंच महिलेसह कुटुंबाला मारहाण, मुलाचा मृत्यू…

शिरूर तालुक्यात उपसरपंचाने केली व्यावसायिकास मारहाण…

शिरुर तालुक्यातील उपसरपंचाने भष्ट्राचाराबाबत तक्रारी केल्याने महीला सरपंचांकडून मारहाण

शिरुर तालुक्यात सरकारी कामात अडथळा करणाऱ्या माजी उपसरपंचाचा जामिन फेटाळला