शिक्रापूर (शशेरखान शेख): निमगाव म्हाळुंगी (ता. शिरुर) येथे नागरिकांना कायद्याची, शासकीय नियमांची माहिती मिळावी तसेच शासकीय व खाजगी कामांमध्ये होत असलेल्या भ्रष्टाचाराविरोधी आवाज उठवता यावा यासाठी नुकतेच भ्रष्टाचार विरोधी जन आंदोलन न्यास शाखेचे उदघाटन करण्यात आले आहे.
निमगाव म्हाळुंगी (ता. शिरुर) येथे ग्रामदैवत म्हसोबा महाराजांचे पुजन करुन भ्रष्टाचार विरोधी जनआंदोलन न्यास शाखेचे उद्घाटन करण्यात आले. याप्रसंगी माहिती अधिकार कार्यकर्ते शिवाजी खेडकर, ग्रामपंचायत सदस्य बापूसाहेब काळे, सतीश गायकवाड, नुतन शाखेचे अध्यक्ष किरण थोरात, उपाध्यक्ष किरण लांडगे, सचिव विशाल मराठे, सहसचिव विशाल चव्हाण, खजिनदार स्वप्निल चव्हाण, सहखजिनदार विजय विधाटे, सदस्य महेश चौधरी, शरद कुसाळकर, गणेश रणदिवे, अक्षय गायकवाड, आदित्य करपे, उपसरपंच तनुजा विधाटे, माजी उपसरपंच कविता चौधरी, तंटामुक्ती समितीचे अध्यक्ष संतोष करपे, अर्जुन चव्हाण, सुभेदार रामचंद्र विधाटे, सुभेदार चंद्रकांत चव्हाण, सुभेदार ठकसेन पवार, दादाभाऊ काळे, सर्जेराव रणसिंग, काकासाहेब ढेरंगे, रोहिदास चौधरी, सचिन घावटे, किरण काळे, रवींद्र चव्हाण, रमेश विधाटे, अमोल चव्हाण, प्रमोद चव्हाण, राजकुमार चव्हाण, ओंकार विधाटे, तुषार विधाटे यांसह आदी मान्यवर उपस्थित होते.
यावेळी यशवंतराव चव्हाण आरटीआय संभाषण केंद्राचे प्रशिक्षक विठ्ठल बुलबुले यांनी महिती अधिकार अधिनियम २००५ विषयी मार्गदर्शन केले. सामाजिक कामांची माहिती मिळवणे हा सर्वसामान्य नागरिकांचा अधिकार आहे तर संबंधित व्यक्तीला ती माहिती देणे हा कायदा आहे. ठराविक कालावधीत योग्य माहिती न दिल्यास कर्तव्यावर असणाऱ्या त्या कर्मचाऱ्यावर कार्यवाही होऊ शकते अशी माहिती उपस्थितांना दिली असून नागरिकांनी विचारलेल्या प्रश्नांवर त्यांनी योग्य मार्गदर्शन केले.
