केंदूर मध्ये शेतातील वादातून महिलेला मारहाण

क्राईम

केंदूर (ता. शिरुर) येथील महादेववाडी येथे शेतातील बांधाच्या वादातून एका महिलेला शिवीगाळ, दमदाटी करत मारहाण केल्याची घटना घडली असल्याने शिक्रापूर पोलीस स्टेशन येथे सविता अशोक जाधव, अशोक किसान जाधव, शांताबाई किसन जाधव यांच्या विरुद्ध गुन्हे दाखल करण्यात आले आहे.

केंदूर (ता. शिरुर) येथील सुनंदा जाधव या त्यांच्या शेतात असताना सविता जाधव व शांताबाई जाधव या दोघी त्यांच्या शेतातील बांधावरील दगडे सुनंदा जाधव यांच्या मकेच्या शेतात टाकून देत सुनंदा यांना शिवीगाळ करत होत्या यावेळी तुम्ही माझ्या मकेचे नुकसान का करता व मला शिवीगाळ का करता असे सुनंदा यांनी म्हटले असता तिघांनी त्यांना दमदाटी करत हाताने, लाथाबुक्क्यांनी मारहाण केली.

याबाबत सुनंदा ज्ञानेश्वर जाधव (वय ५५) रा. महादेववाडी केंदूर (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी सविता अशोक जाधव, अशोक किसान जाधव, शांताबाई किसन जाधव सर्व रा. महादेववाडी केंदूर ता. शिरुर जि. पुणे यांच्या विरुद्ध गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार गणेश सुतार हे करत आहे.