शिक्रापूर (शेरखान शेख): शिंगाडवाडी (ता. शिरुर) येथे किरकोळ वादातून जन्मदात्या मुलासह सुनेने महिलेला मारहाण केल्याची घटना घडली असल्याने शिक्रापूर पोलीस स्टेशन येथे तुळशीराम रघुनाथ शिंगाडे व सुनिता तुळशीराम शिंगाडे या दोघांवर गुन्हे दाखल करण्यात आले आहे.
शिंगाडवाडी (ता. शिरुर) येथील संगीता शिंगाडे यांना गावी जायचे असल्याने त्यांनी त्यांचा मुलगा तुळशीराम व सुनिता यांच्याकडे पैसे मागितले. दरम्यान त्यांच्यात वाद झाला, यावेळी तुळशीराम व सुनिता या दोघांनी महिलेला शिवीगाळ, दमदाटी करत लाकडी दांडक्याने मारहाण करत जखमी केले.
घडलेल्या प्रकाराबाबत संगीता तुळशीराम शिंगाडे (वय ४०) रा. शिंगाडवाडी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी तुळशीराम रघुनाथ शिंगाडे व सुनिता तुळशीराम शिंगाडे दोघे रा. शिंगाडवाडी (ता. शिरुर) जि. पुणे या दोघांवर गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार मंगेश लांडगे हे करत आहे.
