9 ऑक्टोबर ला शिरुर लोकसभा मतदार संघातील युवासेनेच्या पदांकरिता मुलाखती…

राजकीय

पुणे: शिवसेना पक्षप्रमुख उध्दव ठाकरे, युवासेना प्रमुख आदित्य ठाकरे तसेच युवासेना सचिव वरुण सरदेसाई यांच्या मार्गदर्शनाखाली युवासेना कार्यकारणी सदस्य रुपेश कदम यांच्या प्रमुख उपस्थितीत शिरुर लोकसभा मतदार संघातील युवासेनेच्या पदांकरिता नेमणुका करण्यात येणार आहेत. युवासेनेचा पदाधिकारी होण्यास इच्छुक असणाऱ्या युवासेनेच्या सक्रीय सदस्यांनी मुलाखतीसाठी उपस्थित राहावे, असे आवाहन युवासेनेच्या वतीने करण्यात आले आहे.

शिरुर लोकसभा संघातील युवासेनेच्या पदांकरिता रविवार (दि. ९) ऑक्टोबर रोजी सकाळी ११.३० ते १.३० वाजेच्या दरम्यान जुन्नर व आंबेगाव विधानसभा संघातील पदांकरिता नारायणगाव येथील हॉटेल सचिन या ठिकाणी तर भोसरी, हडपसर, शिरुर-हवेली व खेड विधानसभा संघातील पदांकरिता कुरळी येथील हॉटेल साई सागर या ठिकाणी होणार आहेत. याबाबत युवासेनेचे सचिव वरूण सरदेसाई यांनी एका पत्राद्वारे कळविले आहे.

इच्छुक सक्रीय सदस्यांनी मुलाखती पूर्वी एक तास अगोदर उपस्थित राहावे. येताना छायाचित्र सोबत असणे आवश्यक असून इच्छुक कार्यकर्त्यांसाठी मुलाखतीच्या ठिकाणी माहिती अर्ज ठेवण्यात येणार असल्याची माहिती युवासेना महाराष्ट्र राज्य सह सचिव विशाल सातव पाटील व युवासेना जिल्हा सरचिटणीस ॲड. शरद बांदल यांनी दिली आहे.