धामारीत मुलाच्या उसन्या पैशावरुन आई वडिलांना मारहाण

क्राईम शिरूर तालुका

शिक्रापूर (शेरखान शेख): धामारी (ता. शिरुर) येथे मुलाला दिलेल्या उसन्या पैशाच्या वादातून मुलाच्या आई वडिलांना मारहाण केल्याची घटना घडली असल्याने शिक्रापूर पोलीस स्टेशन येथे गणेश चांगदेव पावसे याच्या विरुद्ध गुन्हे दाखल करण्यात आले आहे.

धामारी (ता. शिरुर) येथील अक्षय शेळके याने गावातील गणेश पावसे याच्याकडून काही पैसे उसने घेतले होते, त्यांनतर गणेश हा अक्षयच्या घरी गेला आणि अक्षयच्या आई अनिता यांना पैसे मागितले. त्यावेळी अक्षयची आई त्याला म्हणाली अक्षयने पैसे घेतले हे मला आत्ता समजले असे सांगितले असता गणेश याने अनिता यांना मारहाण केली. त्यानंतर घराचे बाहेर असलेल्या अक्षयच्या वडिलांना देखील मारहाण केली.

याबाबत अनिता शंकर शेळके (वय ४०) रा. धामारी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी गणेश चांगदेव पावसे (वय ३५) रा. पावसे वस्ती धामारी (ता. शिरुर) जि. पुणे याचे विरुद्ध गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार नवनाथ नाईकडे हे करत आहे.